കുട്ടികളെ വില്പ്പനചരക്കുകളാക്കുന്ന സംഘം കേരളത്തിലും ശക്തമാകുന്നവിവരം പുറത്തുവരികയാണ്
കുട്ടികളുടെ ലൈംഗിക ദൃശ്യങ്ങള് പ്രചരിപ്പിച്ചതിന്റെ പേരില് ഒരാളെ അറസ്റ്റ് ചെയ്ത സംഭവത്തില് പ്രതികരണവുമായി രശ്മി ആര്. നായര്. ലക്ഷക്കണക്കിന് രൂപ നല്കി കുട്ടികളെ വാങ്ങി ലൈംഗികമായി ഉപയോഗിക്കുന്ന ഒരുപാട് പേര് കേരളത്തിലുണ്ടെന്ന് രശ്മി തന്റെ ഫെയ്സ്ബുക്ക് പോസ്റ്റിലൂടെ പറഞ്ഞു. നേരത്തെ സമാനമായ ആരോപണത്തെ തുടര്ന്ന് രശ്മിയെയും ഭര്ത്താവ് രാഹുല് പശുപാലനെയും പൊലീസ് അറസ്റ്റ് ചെയ്ത് വിട്ടയച്ചിരുന്നു.താന് ഉള്പ്പെട്ട കേസില് തന്നെ ഇരകളാക്കപ്പെട്ട കുട്ടികള് ഒരു പേജ് നിറയെ ഇത്തരത്തില് അവരെ ഉപയോഗിച്ചവരെക്കുറിച്ച് മൊഴികള് നല്കിയിട്ടുണ്ട്. എന്നാല് ഒരാളെപ്പോലും അറസ്റ്റ് ചെയ്തിട്ടില്ല. വാങ്ങിയവര് ഇല്ലാത്തടത്തോളം വിറ്റു എന്ന കുറ്റം തെളിയിക്കപ്പെടില്ലെന്നും രശ്മി പറഞ്ഞു.രശ്മിയുടെ ഫെയ്സ്ബുക്ക് പോസ്റ്റ് ഇങ്ങനെ – കുഞ്ഞുങ്ങളുടെ മേല് ലൈംഗിക വൈകൃതം പ്രകടിപ്പിക്കുകയും ചിത്രങ്ങളും വീഡിയോ ദൃശ്യങ്ങളും പ്രചരിപ്പിക്കുകയും ചെയ്ത ഒരു ഗ്രൂപ്പിലെ ഒരാളെ അറസ്റ്റ് ചെയ്തതായി വാര്ത്ത കണ്ടു. ഈ അറസ്റ്റിനപ്പുറം ആരെങ്കിലും ശിക്ഷിക്കപ്പെട്ടതായി നിങ്ങള് കേട്ടിട്ടുണ്ടോ. ഉണ്ടാകില്ല.ഞാന് പ്രതിയായ കേസിലേക്ക് തന്നെ വരാം.